У Віцебску затрымалі медыкаў праз ковідныя набаўкі

Ім пагражае да чатырох гадоў калоніі.

У Віцебску распачалі дзве крымінальныя справы супраць медработнікаў паводле факту махлярства з ковіднымі набаўкамі, паведамляе прэсавая служба Генеральнай пракуратуры.

"Схема была ў тым, што загадчыкі аддзяленняў, выкарыстоўваючы свае службовыя паўнамоцтвы o складанні і зацвярджэнні раскладаў зменнасці і табеляў уліку адпрацаванага часу, уносілі ў іх недакладныя звесткі аб сваім адпрацаваным часе звыш устаноўленай нормы", — расказалі ў пракуратуры.

У выніку гэтага медыкі неабгрунтавана атрымлівалі заробак, у тым ліку набаўкі за COVID-19. Агульная сума атрыманых сродкаў - больш за 11 тысяч рублёў. Дзеянні медработнікаў кваліфікавалі паводле ч.1 арт.210 КК (крадзеж шляхам злоўжывання службовымі паўнамоцтвамі). Цяпер лекарам пагражае да чатырох гадоў пазбаўлення волі.