Украінскае войска атачае Ліман і наступае на Херсон: новыя карты баёў

Як выглядае лінія фронту раніцай 25 верасня.

Украінскія войскі працягваюць контрнаступ на ўсходзе і поўдні краіны. Між тым, як акупанты не спыняюць шчыльны агонь на Данбасе, а на поўдні сутыкаюцца са значнымі лагістычнымі праблемамі.

Пра гэта паведамляе РБК-Украіна са спасылкай на звесткі Інстытута вывучэння вайны (ISW).

Усходняя Украіна: (лінія Ваўчанск-Купянск-Ізюм-Ліман)

Са звестак карт, украінскія войскі працягваюць свае лакалізаваныя прасоўванні ўздоўж межаў Харкаўскай і Луганскай вобласці.

Працягваюцца пазіцыйныя баі паўднёвей уздоўж ракі Аскол ля Купянска, аналітыкі пацвярджаюць поспех нашых абаронцаў у гэтым кірунку.

Зрэшты, як звяртаюць увагу ў ISW, балоцістая мясцовасць і варункі надвор'я абцяжарваюць эфектыўнае транспартаванне цяжкага ўзбраення і тэхнікі. Што можа растлумачыць, чаму нядаўняе прасоўванне Украіны паблізу межаў Харкаўскай і Луганскай вобласці адбывалася пераважна ўздоўж існых дарог на ўсход.

Разам з тым адзначана, што УСУ, магчыма, працягнулі наступальныя дзеянні вакол Лімана.

Данецкая вобласць

Расейскія акупанты працягваюць наземныя атакі ў Данецкай вобласці. Так, УСУ адбілі варожыя штурмы на паўночны ўсход ад Бахмута ў раёне Салядара і Бахмуцкага, на поўдзень ад Бахмута ў раёне Адрадаўкі, Курдзюмаўкі, Зайцава і Маёрска.

Акрамя таго, войскі РФ здзейснілі абмежаваны наземны штурм Новаміхайлаўкі, якая прыкладна за 25 км паўднёва-заходней Данецка.

Таксама вораг працягвае рэгулярныя абстрэлы па ўсёй Данецкай вобласці і на ўсходзе Запарожскай.

Поўдзень

Аналітыкі адзначаюць, што бягучая ўкраінская кампанія блакавання на поўдні працягвае мець адчувальны ўплыў на расейскія магчымасці ў гэтым кірунку.

Тым часам, як расейцы спрабуюць аднавіць і захаваць бягучую баявую здольнасць шляхам ратацыі, магчае, знясіленых падраздзяленняў і наступнага сыходу ў тыл перад працягам украінскіх удараў па месцах канцэнтрацыі акупантаў.

Вызначаны тры месцы, дзе вядуцца баі ў Херсонскай вобласці - поўнач вобласці, захад (у раёне Інгульца) і паўночны захад ад Херсона.

Мяркуецца, што ўкраінскія войскі рыхтуюцца да наступу на поўдзень ад Новаўвазьненскага (блізу 16 км на поўдзень ад мяжы Днепрапятроўскай і Херсонскай вобласці) і сцягваюць сілы да Асакораўкі (25 км на паўночны ўсход ад Новаўвазьненскага), каб працягнуць прасоўванне на поўдзень.

Не выключаны працяг баёў на поўначы Херсонскай вобласці паблізу Вольгінага і Архангельскага.