Самалёт Лукашэнкі нечакана накіраваўся ў Сочы
64- 25.09.2022, 13:48
- 62,274
Борт вылецеў з Менска ўвечары 24 верасня.
Чытач «Зеркалa» адсачыў рэйс Boeing 767-32KER пад нумарам EW-001PB. Гэта адзін з самалётаў, на якім лятае Аляксандр Лукашэнка. Борт вылецеў з Менска ўвечары 24 верасня.
Паветранае судна накіравалася ў Сочы. Цяпер яно знаходзіцца там. Ці быў на борце Аляксандр Лукашэнка, інфармацыі няма. Якіх-небудзь афіцыйных яго візітаў у Расею таксама не анансавалася.
Між тым, у аўторак 20 верасня на сустрэчы з дзяржаўным сакратаром Рады бяспекі Аляксандрам Вальфовічам Лукашэнка мімаходзь згадаў аб выправе. Але куды яна будзе, не сказаў:
— Праз тыдзень, калі я вярнуся з выправы, каб мы гатовы былі правесці гэтае мерапрыемства (з яго ўдзелам у пытаннях абароны. — Заўв. рэд.) на базе Міністэрства абароны.
Нагадаем, з пачатку 2022 года Лукашэнка наведваў Расею з афіцыйнымі візітамі шэсць разоў. Падчас кожнага ён сустракаўся з Уладзімірам Пуціным.