Хто такі Пуцін? Васал Кітая

Пекін не будзе рызыкаваць дачыненнямі з ЗША дзеля палітыка такога дробнага «калібру».

Надзвычайны і паўнамоцны пасол Украіны ў ЗША ў 2015—2019 гадах Валер Чалы ў інтэрв'ю журналістцы Алене Трыбушнай назваў расейскага дыктатара Уладзіміра Пуціна васалам Кітая.

Чалы зазначыў у інтэрв'ю, што тэарэтычна кітайская зброя можа трапіць у Расею з Паўночнай Карэі, у той час як інфармацыя аб пастаўках зброі ў РФ з самой КНДР — «гэта было смешна».

«Але ж гэта не толькі Пуцін сустракаецца з Сі Цзіньпінам — з ім і амерыканцы сустракаюцца, рыхтуецца сустрэча Джозэфа Байдэна з ім, значна больш важная для пераабрання Сі Цзіньпіна на трэці тэрмін, чым сустрэча з Пуціным. Пуцін, хто такі? Васал Кітая. А Джозэф Байдэн - гэта апанент і партнёр, так што гэта зусім розны калібр», - растлумачыў дыпламат.

З ягоных слоў, Кітай не будзе пастаўляць зброю Расеі, бо разумее, што калі ЗША абмяжуюць гандаль з Кітаем на 30%, гэта прывядзе да калапсу.

«Я думаю, яны зандавалі глебу, вывучалі пазіцыю Кітая зараз, наколькі яны могуць выгандляваць свае вынікі на гэтым этапе і наколькі Кітай можа «не заўважаць» іх далейшых дзеянняў. Мне здаецца, такія эмоцыі - гэта сведчанне таго, што яны з Кітаем не дамовіліся. Я ўспрымаю гэтыя пуцінскія заявы як крыўду на ўсіх. Хутчэй, ужо нават крыўды не на Штаты, не на Францыю ці Нямеччыну, а крыўду на Кітай і Індыю», - пракаментаваў Чалы перамовы Пуціна з Сі Цзіньпінам і нядаўні візіт сакратара расейскага саўбеза Мікалая Патрушава ў Пекін.

Дыпламат выказаў меркаванне, што Патрушаў спрабаваў дамовіцца аб выхадзе з вайны.

23 верасня дзяржсакратар ЗША Энтані Блінкен сустрэўся з міністрам замежных спраў Кітая Ван І на палях 77-й Генеральнай Асамблеі ААН у Нью-Ёрку. Ён заявіў, што Кітай чакаюць наступствы, калі ён падтрымае вайну Расеі супраць Украіны.

Паводле звестак амерыканскіх СМІ, Расея прасіла Кітай падтрымаць яе поўнамаштабнае ўварванне ва Украіну, падаўшы вайсковую і эканамічную дапамогу. Краіна-агрэсар і Кітай гэтую інфармацыю адмаўляюць.