Беларускі медык расказаў, якія вітаміны і мікраэлементы трэба прымаць усю восень і зіму

І назваў сваю тройку лідараў.

У другой палове кастрычніка, калі ў Беларусі заканчваецца сезонная садавіна і гародніна і становіцца менш пагодлівых дзён, вядомы беларускі медык Дзмітрый Шаўцоў рэкамендуе пачаць прымаць вітаміны і мікраэлементы. Пра свае вітамінныя перавагі ён распавёў у праграме «Рэцэпт здароўя з доктарам Шаўцовым» у эфіры «Альфа Радыё».

Першы ў яго рэйтынгу - вітамін D. Ён раіць прымаць яго дадаткова хоць усю зіму.

- Гэта прэпарат, які ў маленькіх дозах засвойваецца арганізмам. Ніколі лішні вітамін D арганізм на сябе не возьме, таму перанасыціць арганізм вітамінам D немагчыма, - падкрэсліў медык.

З ягоных слоў, вітамін D дапамагае будаўніцтву нашых клетак, таму што клетка будуецца з бялку і тлушчаў. А вітамін D - гэта той самы праваднік, які дапамагае нерастваральным тлустым кіслотам, амінакіслотам і тлушчараспушчальным вітамінам пракрасціся ў нашу клеткавую мембрану. Калі ў арганізме недастаткова вітаміну D, то неабходныя карысныя рэчывы будуць паступаць у наш арганізм у разы менш.

Да ўсяго іншага, вітамін D добра стымулюе наш імунітэт. Як вынік - арганізм могуць атакаваць, але не пранікнуць у яго розныя інфекцыі.

- Гэта адзін з найважнейшых вітамінаў, які мы не павінны забываць. Прымаць яго ўвесь халодны перыяд. Шкоды ніякай, а карысць каласальная, - падкрэсліў медык.

І яшчэ два мікраэлементы, якіх у Беларусі недастаткова, раіць прымаць доктар Шаўцоў. Гэта ёд. Прафілактычная доза ў 100 мг будзе добрая тым, у каго няма праблем са шчытападобнай залозай. І гэта селен, які ўплывае на дзейнасць мозга, на працаздольнасць.

— На працягу месяца прапіць комплекс вітамінаў, мікраэлементаў і гэтага будзе дастаткова, каб абараніць сябе на працягу ўсёй зімы, — вось парада ад доктара Шаўцова.

Яшчэ адзін вітамінавы «падыход» на арганізм ён прапануе зрабіць ужо ў пачатку сакавіка, каб дапамагчы арганізму прачнуцца пасля зімовай спячкі.

Дарэчы, Дзмітрый Шаўцоў добра адазваўся пра вітамінныя комплексы беларускай вытворчасці. З ягоных слоў, па эфектыўнасці яны ні ў чым не саступаюць еўрапейскім аналагам, але каштуюць у разы танней. Шаўцоў прызнаўся, што сам шмат гадоў прымае беларускія вітаміны і мікраэлементы.