28 сакавiка 2024, Чацвер, 12:03
Падтрымайце
сайт
Сім сім,
Хартыя 97!
Рубрыкі

Расейка, якая ўцякла ў Казахстан, абвясціла казахаў «няправільным» народам

90
Расейка, якая ўцякла ў Казахстан, абвясціла казахаў «няправільным» народам

Грамадзянка РФ запісала невялікі ролік для Tik-Tok.

21 верасня патэнцыйныя расейскія прызыўнікі масава ўцяклі са сваёй краіны, баючыся мабілізацыі.

Паводле папярэдніх звестак, за некалькі дзён з Расеі ўцяклі амаль 300 тысячаў мужчынаў мабілізацыйнага веку – роўна столькі, колькі Крэмль нібыта збіраецца набраць. Разам з расейцамі ўцякалі іхнія сем'і.

Аднак шукаючы прытулак у суседзяў, грамадзяне РФ не забываюцца прадэманстраваць сваю імперскасць і прыхільнасць да нацысцкай ідэалогіі.

Так, расейка, якая ўцякла ў Казахстан, запісала невялікі ролік для Tik-Tok, які пачала «нагадваннем» пра тое, як Пуцін «выратаваў» Казахстан у пачатку 2022 года, адправіўшы свае войскі для ўціску пратэстаў.

Таксама яна запярэчыла на словы пра слабасць РФ і нянавісць усяго свету да акупантаў: «Хто ўвесь свет? Адкрыйце, калі ласка, мапу і паглядзіце, што такое Еўропа маленькая і хто падтрымлівае Расею. І гэта значна большая плошча, і гэта большая колькасць краінаў, чым вы там сабе прыдумалі».

Жыхароў Казахстана яна адкрыта называе «сябрамі некалі сяброўскай краіны».

Гаворачы пра каласальныя праблемы ў арміі РФ праз паўгода вайны супраць Украіны, дзяўчына заявіла, што ў «іх усё добра» настолькі, што ў ваенкаматах не бяруць добраахвотнікаў, а тыя нібы стаяць у чэргах. Верагодна, яна пераблытала межы РФ з ваенкаматамі.

«Расея яшчэ ніколі не цярпела паразы ні ў воднай вайне. Цяпер не вайна. І мы як змагаліся з фашызмам, так і змагаемся. Ну, а па-другое, расейцы не здаюцца», – сказала яна, буйна падставіўшы свайго школьнага настаўніка гісторыі, урокі якога прапусціла ці не здужала праграму.

Усю сваю прапагандысцкую прамову яна пабудавала на збітых клішэ пра «няправільныя» народы з былых брацкіх рэспублік, якія слухаюць, што ім скажа Захад.

Напісаць каментар 90

Таксама сачыце за акаўнтамі Charter97.org у сацыяльных сетках