Да Сватава рукой падаць: Украінская армія заняла стратэгічны населены пункт

У расейцаў можа абрынуцца вялікі адрэзак фронту.

Украінскія байцы прадаўжаюць працаваць у Харкаўскім кірунку – папярэдне, яны вызвалілі Баравую, на чарзе Сватава.

Пра гэта паведаміў ваенны карэспандэнт Андрэй Цапліенка ў Telegram-канале.

«Бароўская супольнасць на Харкаўшчыне – пад кантролем УСУ! Паведамляецца, што акупанты і калабаранты пакінулі гэты раён. Тым часам нашыя вайскоўцы ўжо зачышчаюць сяло Пяскі-Радзькоўскія і праводзяць размінаванне», – напісаў ён.

У той самы час у Бароўскай пасялковай радзе паведамілі, што на дзень раней, 26 верасня, акупацыйныя ўлады пакінулі супольнасць, амаль усе калабаранты таксама ўцяклі. Частка мясцовых жыхароў цягам апошняга тыдня з'ехала на больш бяспечныя тэрыторыі, астатнія засталіся дома, у выпадку небяспекі хаваюцца ў скляпах і хованках.

Адзначаецца, што вызваленне населеных пунктаў Бароўшчыны на левым беразе Аскола пачалося з поўдня.

«Так, сяло Пяскі-Радзькоўскія (другі памерам населены пункт супольнасці, дзе да вайны жыло блізу 2 тыс. чалавек), ужо знаходзіцца пад кантролем УСУ. Але ўкраінскія вайскоўцы пакуль яшчэ выяўляюць там групы расейскіх вайскоўцаў, праводзяць зачысткі, размінаванне. Мясцовыя жыхары радасна сустракаюць нашых воінаў, спрабуюць дапамагчы ў побытавых пытаннях, гатуюць для абаронцаў ежу, са слязамі радасці на вачах дзякуюць за вызваленне», – гаворыцца ў паведамленні.

У пасялковай радзе таксама дадалі, што ад Баравой да Сватава «рукай падаць» і, калі УСУ яго вызваляць, «у расейцаў абрынецца вялікі адрэзак фронту, і нават Ліман штурмаваць не трэба».