На БЧ бяруць падпіску пра неразгалошванне службовай інфармацыі

Рэжым рыхтуецца да прыёму ваенных эшалонаў з Расеі.

На Беларускай чыгунцы бяруць падпіску аб невыдаванні «службовай інфармацыі канфідэнцыйнага характару», піша тэлеграм-канал «Live. Супольнасць чыгуначнікаў Беларусі».

Да 30 верасня абавязальніцтва павінны падпісаць усе яе супрацоўнікі.

Адпаведны дакумент падпісаны намеснікам кіраўніка Беларускай чыгункі Ігарам Казлоўскім.

Таксама ў аўторак тэлеграм-канал беларускіх чыгуначнікаў заявіў, што Беларуская чыгунка рыхтуецца да прыёму ваенных цягнікоў з боку Расеі. Адбываецца гэта на фоне вайны ва Украіне. Напярэдадні ў Мінабароны Украіны заявілі, што бяруць да ўвагі ўсе пагрозы з боку Беларусі.