Палітвязень Ігар Аліневіч абвясціў галадоўку на знак пратэсту

Раней ён да такога захаду ніколі не звяртаўся.

Палітвязень анархіст Ігар Аліневіч абвесціў галадоўку на знак пратэсту супраць дзеянняў адміністрацыі турмы, паведаміла ягоная маці. Раней Ігара змясцілі ў СІЗА ў дзень яго нараджэння 24 верасня.

«З 20 верасня на знак пратэсту супраць дзеянняў адміністрацыі турмы ён перастаў прымаць ежу. Патрабаванні ягоныя цалкам канкрэтныя, гарантаваныя законам, у тым ліку тое, што скаргі яго не адпраўляюцца на месца прызначэння», – напісала маці Ігара Валянціна Аліневіч у «Фэйсбуку».

Яна адзначыла, што ў сувязі з разуменнем таго, што «ў краіне не да законаў», «напэўна, у Ігара проста не было іншага выйсця».

«Ніколі раней Ігар не звяртаўся да гэтага крайняга захаду і быў супраць яго. Цалкам уяўляе ўсе наступствы. Добра ведаючы цэласнасць ягонай натуры і нешматслоўнасць, вельмі трывожна.

P.S. Адміністрацыя турмы не заўважае гэтага», – напісала жанчына.