Выйшаў на волю яшчэ адзін палітвязень
1- 28.09.2022, 12:04
- 3,776
Свой тэрмін жыхар Маладзечна адбыў.
На волю выйшаў палітвязень Павал Бераснёў, пішуць праваабаронцы. Бераснёў – жыхар Маладзечна. Яго затрымалі ў красавіку 2021 года і абвінавацілі ў абразе прадстаўніка ўлады (арт. 369 КК РБ).
Пацярпелым выступаў кіраўнік мясцовага РАУС Вадзім Прыгара. Ён патрабаваў пакараць крыўдзіцеля турмой, але суд пастанавіў адправіць Бераснёва на «хімію», тэрмін – 1,5 гады. Свой тэрмін жыхар Маладзечна адбыў. Вызваліўся ў панядзелак.
Паводле звестак на 28 верасня ў Беларусі застаецца 1338 чалавек, якіх праваабаронцы прызналі палітвязнямі.