10 снежня 2022, Субота, 9:09
Сім сім, Хартыя 97!
Рубрыкі

Пад Херсонам вайскоўцы РФ шукаюць спосабы здацца ў палон

15
Пад Херсонам вайскоўцы РФ шукаюць спосабы здацца ў палон

Спроба прарыву з боку акупантаў не ўдалася.

На паўднёвым кірунку вайскоўцы з расейскага акупацыйнага войска трываюць няўдачы пры спробах наступлення і шукаюць спосабы здацца ў палон.

Пра гэта ў інтэрв'ю «Суспільнаму» паведаміла кіраўніца аб'яднанага прэс-цэнтра Сіл аховы і абароны «Поўдзень» Наталля Гумянюк.

«У Херсонскай вобласці сітуацыя вакол лініі фронту дастаткова напружаная, але кантроль застаецца за Сіламі абароны Украіны. За мінулы дзень акупанты спрабавалі прарваць танкавым узводам нашу абарону, але іх спыняе нават выбух супрацьтанкавай міны - выбухнуў адзін танк, два іншыя развярнуліся і ўцяклі», - распавяла яна.

Дыверсійныя групы расейцаў таксама зазнаюць няўдачу, адзначыла Гумянюк.

«Дыверсійная група, якая спрабавала ўначы зведаць праход у наш тыл, таксама пацярпела няўдачу. Агнявое паражэнне - і яны вяртаюцца на свае пазіцыі», - распавяла яна.

Гумянюк заявіла, што акупанты актыўна карыстаюцца чат-ботам «Хачу жыць» і тэлефоннай «гарачай лініяй», на якую можна звярнуцца для здачы ў палон.

«Праходзяць шматслаёвую праверку і пераходзяць у абменны фонд, становяцца пад эгіду міжнароднага гуманітарнага права», - дадала яна.

Раней Гумянюк паведамляла, што на поўдні Украіны расейскія акупацыйныя войскі нідзе не прасоўваюцца наперад і не маюць магчымасці гэтага рабіць.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».