Бабруйцы масава атрымліваюць позвы з вайсковага камісарыята

На прадпрыемствах места ідзе збор звестак аб вайсковаабавязаных.

Вайсковаабавязаныя бабруйцы масава паведамляюць «Бобруйск Online», што ім апошнімі днямі прыходзяць позвы з вайсковага камісарыята для атрымання мабілізацыйнага прадпісання.

Таксама на шмат якіх прадпрыемствах і ў арганізацыях Бабруйска ў мужчын спраўджваюць рэгістрацыю, сапраўдны адрас жыхарства, нумары мабільнага і хатняга тэлефона.

Даўней сайт Charter97.org паведаміў, што ў Беларусі на загад вайсковых камісарыятаў распачаты збор звестак аб вайсковаабавязаных.