СМІ: Частку расейскіх мабілізаваных накіруюць у Беларусь
12- 29.09.2022, 10:29
- 12,876
Ідзе падрыхтоўка для іх прыняцця.
Некаторыя грамадзяне Расеі, якіх мабілізавалі на вайну супраць Украіны, могуць выправіцца на навучанне ў Беларусь. Там яны будуць займацца падрыхтоўкай пад кіраўніцтвам беларускіх афіцэраў.
Пра гэта піша obozrevatel.com. Паводле словаў выдання, цяпер «ідзе падрыхтоўка для прыняцця расейскіх мабілізаваных на беларускіх палігонах, у навучальных цэнтрах і ваенных частках».
«У Беларусі ёсць і месцы для трэніровак, і інструктары. Магчыма, Расея патрабуе ад Лукашэнкі, каб навучанне часткі мабілізаваных расейскіх вайскоўцаў праходзіла ў Беларусі і праводзілі яго беларускія сілавікі», – паведамляе выданне са спасылкай на крыніцу ў сілавых структурах Беларусі.