Сенатар ЗША: Ядзерны ўдар РФ па Украіне будзе разглядацца як шырокамаштабны напад на NATO

Ліндсі Грэм падкрэсліў, што Амерыка ўжыве наймацнейшыя захады.

Сенатар-рэспубліканец ЗША Ліндсі Грэм заявіў, што ў выпадку ядзернага ўдару Расеі па Украіне Амерыка будзе разглядаць гэта як «шырокамаштабны напад на NATO».

Рэспубліканец ЗША падкрэсліў, што Амерыка павінна як мага хутчэй ужыць захады для супрацьстаяння ядзернаму шантажу кіраўніка Крамля Пуціна.

Пра гэта сенатар-рэспубліканец ЗША Ліндсі Грэм сказаў у прамове, выступаючы на пасяджэнні пад назвай «Ад Нюрнберга да Украіны: адказнасць за ваенныя злачынствы і злачынствы супраць чалавецтва», – паведамляе Dikgazete.

«Калі (прэзідэнт Расеі – рэд.) Пуцін прадоўжыць пагражаць Украіне і ўжыве ядзерную зброю, мы будзем уважаць гэта як шырокамаштабны напад на NATO. Радыяцыя ўплывае не толькі на Украіну, але і на ўсю Еўропу», – заявіў амерыканскі сенатар.

Ён дадаў, што ў расейскага ядзернага ўдару будуць катастрафічныя наступствы не толькі для Украіны, але і для ўсяго свету.

«Мы павінны неадкладна супрацьстаяць гэтаму шантажу. Дарадца ў нацыянальнай бяспецы Джэйк Саліван сказаў, што калі Расея ўжыве ядзерную зброю ва Украіне, гэта будзе мець разбуральныя наступствы, і ён меў рацыю», – заўважыў сенатар ЗША.