Тэрарыст Гіркін папярэдзіў Пуціна
17- 29.09.2022, 11:46
- 27,026
Былы верхавод баевікоў «ДНР» спалохаўся новага ўзроўню вайны.
Былы верхавод баевікоў так званай «ДНР» Ігар Стралкоў-Гіркін выступіў супраць ядзернага ўдару Расеі па Украіне. У гэтым кантэксце ён перасцярог Крэмль ад выкарыстання такой зброі, паведамляе obozrevatel.com.
На ягоную думку, у выпадку нанясення ядзернага ўдару па Украіне будзе неадкладны адказ Кіева. Адпаведны відэазварот Гіркіна з'явіўся ў сацыяльных сетках.
Сярод іншага, паводле словаў тэрарыста, ядзерную зброю перададуць Украіне і праз тры месяцы яна ўдарыць у адказ па тэрыторыі Расеі.
«Ужыўшы ядзерную зброю, мы адкрыем скрыню Пандоры. І супраць нас зараз жа Украіне перададуць ядзерную зброю, і яна супраць нас яе ўжыве. Вось убачыце, калі такое адбудзецца, адказваю. Варта нам ужыць ядзерную тактычную зброю – праз тры месяцы яе ўжо ўжывуць па нас, калі не раней», – сказаў Гіркін.
Нагадаем, прэзідэнт РФ Уладзімір Пуцін у апошнім звароце прыгразіў ядзерным ударам, сказаўшы, што ў РФ таксама ёсць зброя масавай паразы.
«У выпадку пагрозы тэрытарыяльнай цэласнасці Расеі мы выкарыстаем усе метады, у тым ліку ядзерную зброю. Гэта не блеф», – сказаў дыктатар.
Пасля гэтага міністр замежных справаў краіны-агрэсаркі РФ Сяргей Лаўроў таксама пагражаў ядзернай зброяй. Ён расказаў, у якім выпадку Расея можа пайсці на яе ўжыванне, спасылаючыся на дактрыну ядзернай бяспекі.