У Беларусі з'явіцца новая гандлёвая сетка «Дадому»
21- 29.09.2022, 19:57
- 16,690
Што там будуць прадаваць.
Стала вядома, што ў Беларусі з'явіцца новая беларуская гандлёвая сетка, піша тэлеграм-канал Міністэрства антыманапольнага рэгулявання і гандлю (МАРГ).
Так, кіраўніца «Беллегпрама» Таццяна Лугіна паведаміла, што ў Беларусі плануюць адкрыць новую гандлёвую сетку. Падчас сустрэчы з прадстаўнікамі МАРГ старшыня канцэрна прэзентавала яе канцэпцыю. Зрэшты, паведамляецца, што новую гандлёвую сетку назавуць «Да дому», і прадаваць у яе крамах будуць толькі беларускія тавары.
- Будзе рэалізоўвацца выключна айчынная прадукцыя: тавары для дома, ільняны тэкстыль, дэкор, посуд, - пералічыла Лугіна.
Таксама, абмяркоўваючы з дырэктарамі кіраўнікамі найбуйнейшых гандлёвых цэнтраў Менска прасоўванне тавараў беларускага легпрама, намесніца кіраўніка МАРГ Ніна Емяльянава заўважыла, што ў кожным гандлёвым цэнтры павінны быць прадстаўленыя беларускія вытворцы.
- Айчынныя вытворцы павінны выступаць якарнымі арандатарамі, прыцягваць жыхароў нашай краіны і турыстаў, садзейнічаць прасоўванню беларускіх тавараў, - заявіла яна.