Расея падпісала прыход з пакаяннем

Прымітыўны разлік Крамля скончыцца поўным пшыкам.

Няма патрэбы спрачацца аб тым, хто ўзарваў Паўночныя струмені. Расейскія ўлады фактычна ўжо падпісалі прыход з пакаяннем у гэтым злачынстве. Яны загадзя публічна папярэдзілі аб сваіх планах. Памятаеце, некалькі тыдняў таму прапагандысты разганялі па сетцы кліп «А зіма будзе доўгая», у якім «Газпром» перацінае Еўропе газ і тая, бедненькая, замярзае. Менавіта гэта і спрабуюць цяпер зрабіць крамлёўскія вар'яты.

Аднак проста адключыць рубільнік і спыніць пастаўкі немагчыма. Ёсць жа кантрактныя абавязацельствы, якія прадугледжваюць вялізныя няўстойкі ў выпадку іх невыканання. Таму Пуцін пастанавіў падарваць да д'ябла сабачага газаправоды, каб спісаць газавы байкот на форс-мажорныя абставіны.

Прычым, зрабіў гэта, як яму здаецца, вельмі хітра: «Паўночны струмень – 1» забілі пад нуль, а «Паўночны струмень – 2» - толькі часткова. Разлік убогіх просты як тры капейкі. У Крамлі спадзяюцца, што еўрапейцы змерзнуць зімой і дрыжучы ад холаду прыйдуць да Пуціна на паклон, а той, пасля скасавання санкцый і спынення дапамогі Украіне, літасціва пусціць газ па астатняй непашкоджанай галінцы «Паўночнай плыні - 2». Гэты праект, дарэчы, доўгі час быў улюбёнай цацкай Пуціна. Ён жа параноік, а параноікі не ўмеюць адмаўляцца ад сваіх звышкаштоўных ідэй і мэт, якія спрабуюць рэалізаваць насуперак разумнаму сэнсу.

Вядома, гэты прымітыўны рэкет скончыцца поўным пшыкам. Пуціну Еўропу на калені не паставіць. Сталінскі шантаж падчас Берлінскага крызісу быў куды больш небяспечны. Заходні Берлін проста ўзялі ў поўную блакаду. Горад недаядаў, спаў у адзенні, збіраў выкінутыя з амерыканскіх самалётаў прадукты, але выжыў. Захад на шантаж не паддаўся і Сталін адступіў.

Сёння сітуацыя з газавай блакадай куды менш драматычная. У Крамлі забыліся не толькі законы эканомікі, але і школьны курс геаграфіі. Еўропа не змерзне, хаця б таму, што на большай частцы яе тэрыторыі вялікіх маразоў не бывае. Нямеччына і іншыя партнёры «Газпрома» шукаюць і знаходзяць альтэрнатыўныя крыніцы паставак газу.

Чарговая шалёная выхадка толькі набліжае яго крах.

Ігар Эйдман, «Фэйсбук»