Становішча Пуціна адчайнае
7- Гары Каспараў
- 30.09.2022, 11:49
- 14,268
Кіраўнік Крамля кідаецца і хапаецца за ўсякую саломінку.
Становішча Пуціна адчайнае. Я думаю, што нават ён разумее, што ўсе вялікія планы, якія ён будаваў па заваёве Украіны і дыктаце ўсёй Еўропе, праваліліся. Але прызнаць паразы ён не можа. Гэтым адрозніваюцца дыктатуры ад дэмакратый - у дыктатур няма механізму прызнання памылак. Прызнанне дыктатарам памылкі азначае яго слабасць, і звычайна за гэтым ідзе яго звяржэнне. Пуцін цяпер кідаецца і хапаецца за кожную саломінку, хаця ён павінен разумець, што гэтая мабілізацыя прынцыпова нічога не зменіць.
Апошняя карта ў руках у Пуціна - ядзерны шантаж. Ён спрабуе запалохаць Захад, спадзеючыся, што Захад адступіць. Я думаю, што гэты момант ужо прайшоў - на Захадзе разумеюць, што паддавацца шантажу Пуціна сёння немагчыма палітычна. Я не магу ўявіць сабе заходняга палітыка, які будзе казаць пра кампрамісы з Пуціным. Усім відавочна, што Пуцін перайшоў абсалютна ўсе чырвоныя лініі, і кампрамісаў з ім быць не можа. Сёння сфармавалася выразная пазіцыя - Украіна павінна перамагчы і цалкам вызваліць акупаваныя тэрыторыі.
Гары Каспараў, kasparov.ru