«З вёсак забіраюць, бо Масква адразу падымецца»
5- 30.09.2022, 12:36
- 10,410
Акупанту расказалі аб рэаліях мабілізацыі ў Расеі.
Суразмоўніца расейскага акупанта расказала яму пра рэаліі мабілізацыі ў краіне-агрэсарцы Расеі, перахоп размовы апублікавала ГУР у Telegram.
«Самая вялікая мабілізацыя - гэта Курск, Белгарад будзе і Варонежская вобласць, прымежныя тэрыторыі. З Масквы 50 чалавек з'ехала, а з Рассошы - 300. З маленькай 300, толькі адным днём забралі. Альхаватка, Крынічнае…Карацей, з вёсак забіраюць, бо Масква падніме адразу страйк», - сказала яна.
Са слоў суразмоўцы акупанта, грамадзянам краіны-агрэсаркі нельга выязджаць у іншыя населеныя пункты.
«Усе сядзяць па дамах, пазачыняліся, плачуць і чакаюць», - сказала яна.
Суразмоўніца вайскоўца РФ заявіла, што жыхары прыгранічных абласцей агрэсара цяпер «нікому не патрэбныя, можна і ахвяраваць», адправіўшы на вайну.