Ізраіль адклікае сваіх жаўнераў, якія маюць расейскі пашпарт і знаходзяцца ў РФ
9- 30.09.2022, 21:04
- 13,110
Прэм'ер Ізраіля папрасіў авіякампанію El Al павялічыць колькасць рэйсаў з Расеі.
Ізраіль адклікае сваіх жаўнераў з расейскімі пашпартамі. Пра гэта заявіў 30 верасня рэдактар Walla Гай Элстэр у Twitter, спасылаючыся на ізраільскага службоўца.
#BREAKING Israeli official says the army orders all his soldiers with Russian passports who are in Russia to return to Israel immediately @BarakRavid
— Guy Elster (@guyelster) September 30, 2022
«Ізраільскі службовец кажа, што войска загадвае ўсім жаўнерам з расейскімі пашпартамі, якія знаходзяцца ў Расеі, неадкладна вярнуцца ў Ізраіль», - заявіў ён.
21 верасня прэм'ер-міністр Ізраіля Яір Лапід папрасіў авіякампанію El Al павялічыць колькасць рэйсаў з Расеі пасля абвяшчэння частковай мабілізацыі ў РФ. Таксама ён даручыў ураду прымаць больш імігрантаў, зрабіўшы захады для выдачы віз і размяшчэння па прылёце.
