Што задумаў Герасімаў

Аналіз афіцэра войска Ізраілю.

Не прайшло і тыдня з прызначэння Валерыя Герасімава камандуючым аб'яднанай групоўкай войскаў РФ ва Украіне, як генерал ужо вызначыўся скандальнымі пастановамі. Расейскае камандаванне фактычна забараніла выкарыстоўваць сучасную тэхніку (тэлефоны і планшэты), што робіць немагчымым выкарыстанне дронаў для артылерыі і выведкі.

Акрамя таго, ад вайскоўцаў РФ запатрабавалі пагаліць бароды. Што такія пастановы гавораць пра Герасімава і расейскае войска агулам? Такое пытанне сайт Charter97.org задаў вайсковаму аналітыку і афіцэру Арміі абароны Ізраілю (ЦАХАЛ) Ігалю Левіну.

- Скажу адразу, немагчыма ўявіць, каб Валерый Залужны (гетман Узброеных сіл Украіны - заўв. Chartre97.org) прыняў бы такія пастановы. У многім наша сувязь абумоўленая нестандартнымі і няштатнымі сродкамі сувязі. Класіка - гэта Starlink. Гэта не частка структуры УСУ, але Starlink надае вялікую дапамогу ў планаванні аперацый, камунікацыі, сувязі паміж падраздзяленнямі.

Гаворачы аб тым, чаму Герасімаў у існай сітуацыі аддаў такія загады, афіцэр войска Ізраіля назваў некалькі асноўных прычын:

- Па-першае, ён хоча цалкам засяродзіць усё пад кіраваннем Мінабароны РФ і сваім як начальніка Генштаба і камандуючага акупацыйнай групоўкай ва Украіне. Яго мэта, каб не было вольніцы «вагнераўцаў» і іншых незразумелых нібыта прыватных вайсковых кампаній. Увогуле, каб усе гэтыя квазімілітарныя фармаванні былі падпарадкаваныя яму.

Мне здаецца, што гэта першая прыступка, ён будзе максімальна ставіць «вагнераўцаў» на месца і Яўгена Прыгожына (заснавальнік ПВК «Вагнера» - заўв. Charter97.org) у тым ліку.

Па-другое, ён савецкі генерал, які вучыўся паводле лякалаў СССР. Ён не можа ўявіць вайну па-іншаму, проста не разумее сучасную, сеткацэнтрычную вайну, дзе перадача інфармацыі і абмен звестак адбываюцца з каласальнай хуткасцю.

Так, магчыма, ён разумее, што савецкія сістэмы састарэлыя, а сучасныя - больш адэкватныя, але ён проста іх не ведае. Ён спрабуе арганізаваць акупацыйныя войскі Расеі на тэрыторыі Украіны паводле тых лекалаў, правілаў, нормаў, стандартаў, якія ён вывучаў.

Ігаль Левін мяркуе, што Герасімаў спрабуе прымусіць эфектыўна працаваць састарэлую савецкую сістэму, цураючыся ноў-хаў, хуткага абмену звесткамі, камандавання кіраваннем у смартфоне.

- Да прыкладу, ва ўкраінскіх артылерыстаў, ды і не толькі, ёсць сістэма «Крапіва». У адрозненне ад РФ, у нас сучасныя сістэмы 21-га стагоддзя.

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com