У чат-рулетцы дальнабойшчык правакуе беларусаў і здае іх сілавікамі
29- 27.01.2023, 12:04
- 29,372
Звесткі аб ім перададзеныя ўладам Польшчы.
Стала вядома пра правакатара з Палесся Юрыя Камара, які ў чат-рулетцы (сэрвіс, дзе можна размаўляць праз вэб-камеру з выпадковымі суразмоўцамі — заўв.) выводзіць беларусаў на жорсткія выказванні пра рэжым і расейскую агрэсію, выдаючы сябе за ўкраінца.
Відэа Камар запісвае, а затым выкладвае на сваім YouTube-канале. Ужо вядома некалькі выпадкаў, калі правакацыі дальнабойшчыка прывялі да затрымання беларусаў, якія гутарылі з ім, сілавікамі.
Стала вядома, што Юры Камар працуе ў фірме, якая зарэгістраваная ў Беластоку. Ён ажыццяўляе грузаперавозкі з Кітая, РФ і РБ у краіны Еўрапейскага Звязу. Дзеллю ў статутным фондзе фірмы валодае вядомы як у Беларусі, так і ў Расеі бізнэсовец, а таксама іншыя грамадзяне РФ. Звесткі аб ім перададзеныя ўладам Польшчы.
Будзьце асцярожныя і не паддавайцеся на правакацыі.