Масавая аварыя: у Менску сутыкнуліся шэсць аўтамабіляў
3- 27.01.2023, 16:24
- 11,238
Аварыя адбылася на Партызанскім праспекце.
На сталічным праспекце сутыкнуліся шэсць аўтамабіляў, паведамілі ва УДАІ ГУУС Менгарвыканкама.
Здарэнне адбылося 27 студзеня блізу 8.40. Паводле папярэдняй інфармацыі, 48-гадовы кіроўца Volkswagen на скрыжаванні Партызанскага праспекта з вуліцай Жылуновіча сутыкнуўся з аўтамабілем той жа маркі, які ехаў у суседняй паласе. Ад удару апошні адкінула налева, дзе ён пашкодзіў Kia і Hyundai. Пасля гэтага Volkswagen вылецеў на сустрэчную паласу і рэзнуўся ў Hyundai і Mitsubishi.
У выніку ДТЗ ніхто не пацярпеў, шэсць аўтамабіляў атрымалі механічныя пашкоджанні.