Ва Украіну прыбылі першыя «лаўцы шахедаў»

Такія сістэмы выкарыстоўваюцца для абароны стратэгічных аб'ектаў ЗША.

Ва Украіну прыбылі шэсць сістэм для абароны энэргетычных аб'ектаў ад варожых дронаў. «Лаўцы шахедаў» распрацаваныя паводле сучасных амерыканскіх тэхналогій.

Пра гэта паведаміў кіраўнік Мінлічбы Украіны Міхаіл Фёдараў.

«Цяпер закупілі 6 сістэм супрацьдзеяння варожым беспілотнікам. Гэта самыя сучасныя абаронныя тэхналогіі, якія абараняюць стратэгічныя аб'екты ЗША», - напісаў ён.

«Комплекс радараў і сродкаў глушэння сігналу дапамагае выяўляць і блакаваць варожыя БПЛА і выпускае свае дроны», - дадаў міністр.