УСУ разбіла падраздзяленне РФ на паўднёвы ўсход ад Вуглядара
- 29.01.2023, 14:40
- 8,544
Расейцы разбілі пры спробе абысці горад з флангаў.
Расейскае войска працягвае штурм Вуглядара, робячы спробы абысці населены пункт флангаў. Аднак на раніцу ў нядзелю атакі акупантаў былі праваленыя.
Пра гэта на сваёй старонцы ў сацыяльнай сетцы Twitter паведамляе OSINT-даследчык і афіцэр УСУ, які піша ў Сеціве пад псеўданімам Tatarigami_UA.
«Сітуацыя істотна не змянілася. Праціўнік працягвае наступленне з розных напрамкаў, а таксама рабіў спробы выйсці на флангі, але ўсе спробы пакуль беспаспяховыя. Здаецца, вораг прыняў некалькі цікавых пастаноў, якія ўсе ўбачаць хуткім часам. На жаль, зараз я не магу казаць пра гэта публічна», - падкрэсліў ён.
Са слоў афіцэра УСУ, расейцы пакуль не адмовіліся ад штурму Вуглядара, аднак украінскія абаронцы працягваюць утрымліваць поўны кантроль над сітуацыяй: «Няма ніякіх прыкмет таго, што вораг паслабіць ціск для выканання загадаў. Бітва працягваецца, Вуглядар трымаецца».
У той жа час сталі з'яўляцца новыя відэа аб разгроме часткі расейцаў у Вуглядарскім кірунку, на паўднёвы ўсход ад горада. На відэа аэраразведкі можна заўважыць загінулых расейскіх вайсковых і разгромленую тэхніку акупантаў.