Дроны вяртаюцца да «аяталаў»

Сам факт паказальны.

У ноч на нядзелю невядомыя дроны атакавалі вайсковыя аб'екты ў Іране. Звесткі аб колькасці атакаваных аб'ектаў адрозніваюцца. Наступствы невядомыя. Але сам факт паказальны.

Колькі за апошнія месяцы абмяркоўваліся пастаўкі іранскіх дронаў у Расею! Словы «Шахед» і налёт на Украіну шчыльна сашчапіліся адзін з адным. І вось, дроны паляцелі назад, на Іран…

Чые яны? Ізраільскія?

Чаму менавіта зараз? Адказ на тэракт у Іерусаліме?

Не ведаем. Будзе больш інфармацыі, з'явяцца версіі.

Але, ва ўсякім разе, можна сказаць, што падагрэтая ваеннымі патрэбамі Пуціна вайсковая актыўнасць Ірана, магчыма, абвастрыла разуменне яго апанентаў, што з гэтым трэба нешта рабіць. І дроны паляцелі.

Тэлеграм-канал «СерпомПа»