УСУ эпічна ліквідавалі расейскі «Тор» пад Такмакам

Момант удару здымаў дрон.

Апублікаванае відэа звышдакладнага ўдару УСУ, які ператварыў у груду аскепкаў расейскі зенітна-ракетны комплекс (ЗРК) «Тор-М1» УС РФ на Запарожскім кірунку.

Кадры даступныя на Telegram-канале «Украіна 365».

«Тор» УС РФ быў заўважаны выведным БПЛА каля населенага пункта Малачанск, што на поўнач ад акупаванага Такмака. Побач з баявой машынай важдаліся пяць акупантаў.

Каардынаты былі перададзеныя артылерыстам, якія нанеслі адзін высокадакладны ўдар. У выніку наймагутнейшага выбуху ад баявой машыны РФ мала што засталося.

Мяркуючы з кадраў, УСУ выкарыстоўвалі для ўдару рэактыўны снарад GMLRS, які ўжываецца ўстаноўкамі HIMARS і аналагамі.

Адзначым, што падчас свайго контрнаступу Украіна на Запарожскай кірунку зладзіла «паляванне» на расейскія сістэмы СПА. Колькасць знішчаных расейскіх зенітных установак за апошнія месяцы моцна вырасла.

Такім чынам УСУ бяруць неба над Паўднёвым фронтам пад свой кантроль для больш эфектыўнага выкарыстання артылерыі і авіяцыі падчас вайсковых аперацый.