Лукашысты спалохаліся работнікаў Лідскай ЖКГ

На прадпрыемстве ідуць масавыя затрыманні і звальненні.

Сілавікі затрымалі за каментары сем супрацоўнікаў дарожна-эксплуатацыйнай вытворчасці Лідскай ЖКГ. Пра гэта паведаміў тэлеграм-канал «Затрыманні, суды ў Лідзе».

Паводле звестак праваабаронцаў, рэйд сілавікоў прайшоў 28 верасня. Затрымалі блізу сямі мужчын ва ўзросце 40-45 гадоў за «экстрэмісцкія» пасады, каментары ў сацсетках.

«Пасля затрымання нікога не адпусцілі. Загад – звольніць «парушальнікаў парадку». У апошні час звольнілі да заканчэння кантракту трох праграмістаў на ЖКГ і майстра-жанчыну», – паведамілі праваабаронцы.