«Вусаты цырк»: комікі з «Дызэль-шоў» высмеялі Лукашэнку

Экс-удзельнікі каманды КВЗ «ЧП» пакпілі з дыктатара.

«Дызэль-шоў», у складзе якога ёсць некалькі беларусаў, перайшло ў асноўным на ўкраінскую мову і працягвае высмейваць рэжым, які існуе ў Беларусі.

Сярод украінскіх комікаў выступаюць экс-удзельнікі каманды КВЗ з Менска «ЧП» Зміцер Танковіч і Яўген Смарыгін, піша UDF.

У новым канцэрце «Дызель-шоў» са сцэны паведамілі, што Аляксандр Лукашэнка сур'ёзна захварэў, а між тым запланаваны ягоны выступ у жывым эфіры. Супрацоўнік КДБ запатрабаваў у генерала войска паказаць двайнікоў кіраўніка краіны, каб не давялося выстаўляць фанерную фігуру.

***

- Генерал, я так разумею ўсё, больш ніякіх ідэй няма?

- Памежнікі сабаку сваю прапаноўвалі.

– Сабаку?!

- Ну вы самі сказалі: знайсці двайніка, які будзе выконваць усе каманды і не будзе задаваць лішніх пытанняў. Сабака лішніх пытанняў не задае, усе каманды выконвае: і сядзець, і ляжаць, і як наш у Пуціна - "да нагі".

***

- Гэта значыць вас тут нічога не бянтэжыць? Рэальны двайнік, які вельмі падобны да Аляксандра Рыгоравіча?

- Слухайце, ну давайце скажам: капаў бульбу і загарэў.

- Мяркуючы па тым, як ён загарэў, ён адзін усю бульбу ў Беларусі выкапаў.

***

- Ды ніхто і не заўважыць, у нас у паловы насельніцтва - чорна-белыя тэлевізары.

- А ў Маскве заўважаць.

- Казлы.

- Згодзен.

- Блін, я, вядома, не моцны ў геапалітыцы, але ў мяне адчуванне, што цяпер Масква толькі з такімі і сябруе.

***

- Генерал, я ж вам даверыўся, я вам паверыў, што вы ўсё зробіце, а вы зладзілі тут вусаты цырк.

– Вусаты цырк… Добрая назва для нашай рэспублікі.