У непрыкметным VIP-доме на праспекце Незалежнасці прадаюць цікавыя кватэры

Пра будынак з пентхаусамі вядома нямногім.

Дзіўна, але гэты шматпавярховы дом на галоўным праспекце Менска не мае нейкай гучнай назвы. Ніякіх табе «Трыумф Паласаў» ці «Гранд Паркаў». Проста ноўнэйм на 2 пад'езды і 46 кватэр. Тым не менш, за бэжавым фасадам хаваецца VIP-шматпавярховік з пентхаусамі і двухпавярховымі кватэрамі. Журналісты realt.by паглядзелі, што за кватэры тамака прадаюцца.

Гэты дом заняў сваё мястэчка на праспекце Незалежнасці ў 2009 годзе. Будынак з 11 паверхаў складаецца з офіснай і жылой часткі.

Месца, на якім размясцілася шматпавярхоўка – самае што ні на ёсць цэнтральнае. Дом стаў насупраць парка Чалюскінцаў і Дзіцячай чыгункі. Побач – метро, у пешай даступнасці – мноства кафэшак, кінатэатраў і крам.

Бо дом пазіцыянуецца, як VIP-жыллё, уезд у двор абмежаваны шлагбаумам і аховай, а ў падʼездах працуюць кансьержы і дзейнічае прапускная сістэма.

Вышыня столяў у кватэрах – 3 метры, у пентхаусах (усяго ў доме іх дзве штукі) – 3,3 метра. Таксама ў шматпавярхоўцы ёсць 12 двухузроўневых кватэр.

Што да кошту, то на старце продажаў квадрат тут каштаваў 2300-2500 даляраў. Так як кватэры прадаваліся не хутка, пазней кошт мяняўся ў бок памяншэння.

Цяпер у доме прадаюцца 3 кватэры.

Ёсць адзін варыянт без аздаблення. Гэта – пяціпакаёвая кватэра агульнай плошчай 168 квадратных метраў. Жыллё знаходзіцца на 4-м паверсе. У кватэры – велізарная гасцёўня (60 квадратаў) з высокімі столямі больш за 3 метры і тры ізаляваныя пакоі. Жыллё прапануецца з будаўнічым аздабленнем: тут атынкаваныя сцены, разведзена электрыка і сантэхніка. У кватэры – адразу дзве лоджыі і балкон з выдатным відам на зялёную зону. Кошт – 242,9 тысячы даляраў (1443 даляры за метр).

Наступная прапанова – двухпакаёвая кватэра, якая знаходзіцца на 6-м паверсе і мае плошчу 52 квадратныя метры. У кватэры зроблены якасны сучасны рамонт. Яна складаецца з кухні і двух прасторных пакояў. Жыллё поўнасцю гатовае да засялення, а ўся мэбля і тэхніка застануцца новым жыхарам. У кватэры зманціравана прытокава-выцяжная сістэма вентыляцыі з рэкуперацыяй. Гэта дазваляе ствараць камфортныя ўмовы ў любы сезон і пры гэтым няма неабходнасці адчыняць вокны для ветрання, што пазбаўляе ад шуму і пылі з вуліцы. Кошт – 150 тысяч даляраў (2846 даляраў за метр).

Таксама ў продажы ёсць трохпакаёвая кватэра з дызайнерскім рамонтам. Гэтае жыллё знаходзіцца на 10-м паверсе. Плошча кватэры – 109 квадратных метраў. Як гаворыцца ў абвесцы, гэты інтэрʼер адрозніваюць зручнасць, камфорт, функцыянальнасць, прастата, прыгажосць і асаблівая эстэтычнасць. Кватэра мае спакойную каляровую гаму. Падлогі тут драўляныя, якія прыўносяць у кватэру адчуванне ўтульнай драўлянай хаткі ў лесе. Адметныя рысы мэблі – практычнасць, мінімалізм і натуральныя матэрыялы. Кошт – 265 тысяч даляраў (2418 даляраў за метр).

Ёсць у доме і кватэры ў арэнду – да прыкладу, стыльная студыя з рамонтам здаецца за 690 даляраў на месяц.