Стала вядома, як размеркаваліся мандаты ў польскім Сэйме

Афіцыйная інфармацыя ад ЦВК.

З'явілася афіцыйная інфармацыя аб размеркаванні мандатаў у польскім Сэйме пасля выбараў 15 кастрычніка, паведамляе tvn24.pl.

Дзяржаўная выбарчая камісія афіцыйна паведаміла, што апазіцыя атрымала 248 месцаў у Сэйме. У кіроўнай цягам васьмі гадоў партыі «Права і Справядлівасць» - 194 мандаты, у «Канфедэрацыі» 18 мандатаў.

Для парламенцкай большасці, неабходнай для фармавання ўрада, патрэбны 231 мандат.

Раней Дзяржаўная выбарчая камісія апублікавала звесткі аб 100 адсотках выбарчых участкаў. Паводле гэтых вынікаў у Сэйм патрапілі пяць партый.

"Права і Справядлівасць" - 35,38%.

“Грамадзянская кааліцыя” - 30,7%.

"Трэці шлях" - 14,4%.

"Новыя левыя" - 8,61%.

“Канфедэрацыя” - 7,16%.

Пазней Дзяржаўная выбарчая камісія прадставіла размеркаванне мандатаў у Сэйме. Яно выглядае наступным чынам:

"Права і Справядлівасць" - 194 мандаты.

"Грамадзянская кааліцыя" - 157 мандатаў.

"Трэці шлях" - 65 мандатаў.

"Новыя левыя" - 26 мандатаў.

"Канфедэрацыя" -18 мандатаў.

Гэта азначае, што дэмакратычная апазіцыя можа разлічваць на 248 месцаў у Сэйме.