Міністр абароны Ізраілю: Цяпер вы бачыце Газу здалёку, неўзабаве вы ўбачыце яе знутры

Ёаў Галант заклікаў вайскоўцаў рыхтавацца да наземнай аперацыі.

Міністр абароны Ізраілю Ёаў Галант паведаміў войскам, размешчаным на мяжы з сектарам Газа, што неўзабаве ім можа паступіць загад увайсці на тэрыторыю анклава. Аб гэтым паведаміла 19 кастрычніка выданне The Times of Israel.

- Цяпер вы бачыце Газу здалёку, хутка вы ўбачыце яе знутры, - сказаў Галант байцам, дадаўшы, што «загад будзе».

Нагадаем, 7 кастрычніка ХАМАС напаў на Ізраіль. Ізраільскім вайскоўцам за некалькі дзён удалося выбіць баевікоў са сваёй тэрыторыі і ўзяць пад кантроль мяжу з сектарам Газа. Пасля гэтага ЦАХАЛ пачаў наносіць удары па пазіцыях баевікоў у сектары Газа.