67-гадовы экс-футбаліст менскага «Дынама» Людас Румбуціс пахваліўся сваёй фізічнай формай

Фотафакт.

Выданне Bet.news апублікавала інтэрв'ю з былым вядомым футбалістам менскага «Дынама», а пасля паспяховым трэнерам Людасам Румбуцісам. Сярод іншага пры ім апублікавалі і фота, з якога вынікае, што фізічнай форме, у якой цяпер знаходзіцца Румбуціс, які праз месяц святкуе 68-годдзе, можна толькі пазайздросціць.

«Адбегаць тайм ці два на аматарскім узроўні - чаму б і не? Год таму я так і рабіў, часцяком гуляючы за «Арт-Старс» - каманду, якая складаецца з артыстаў і музыкаў - на пазіцыі апорнага паўабаронцы. Не бегаў, вядома, прыняў-аддаў.

Па серадах хаджу гуляць у міні-футбол, але не заўсёды атрымліваецца. У мяне ж яшчэ хакей тры разы на тыдзень. Ён лягчэйшы ў плане руху, чым футбол. Але тамака трэба мець моцнае цела. Таму я яшчэ і дома трэніруюся. Брусы, гантэлі…

Унук спытаў год таму: «Дзядуля, адкуль у цябе гэтыя кубікі?» Ну чаму б і не? Кожны дзень па 10-12 сілавых практыкаванняў. 20-30 разоў на брусах хоць цяпер адціснуся.

Мне важна адчуваць сябе ў тонусе. Тонус - ён жа і ў мазгах таксама.

А калі ходзіш і бурчыш, як стары дзед, дык гэта ўжо ўсё. Прыплылі...

Раней рабіў столькі, колькі трэба, а цяпер столькі, колькі хачу. З узростам трэба мяняць звычкі.

Часам вунь не бяруся за гітару два дні, а часам па 5-6 гадзін з ёй, развучваю новае ці ўспамінаю старое», - растлумачыў свой стыль жыцця Румбуціс.