Бахмуцкі fatum

Пасля чарады беспаспяховых контратак рэсурс РАВ звастрыўся.

Цягам апошняга часу мы, гаворачы пра Бахмут, добра вывучылі назвы яго навакольных вёсак, асабліва ў паўднёвым сектары. Пра Клішчыеўку і Андрэеўку, якія ўжо фізічна не існуюць, чулі практычна ўсё. Але ў найбліжэйшыя дні звыклыя нам назвы будуць замененыя новымі. І адна з іх – «жалезка», адзначае вядомы ўкраінскі ваенна-палітычны аглядальнік Аляксандр Каваленка.

У той час як Клішчыеўка, Андрэеўка і Курдзюмаўка з'яўляліся складнікамі апорнай лініі акупантаў у паўднёва-заходнім сектары Бахмута, «жалезка» ўяўляла з сябе ўмоўную абаронную мяжу, скрыжаванне якой стварала б расейскім акупацыйным войскам (РАВ) вельмі шмат праблемаў, бо налева ад яе – гэта прамы шлях на паўднёвую лагістычную артэрыю 0513.

Пасля чарады беспаспяховых контратак на Клішчыеўку і Андрэеўку рэсурс РАВ вытанчыўся і збольшага яны цяпер сядзяць леваруч ад «жалезкі» ў пасадках у чаканні неўнікнёнага – зачысткі. Але перасячы «жалезку», як многім здаецца, гэта не такая ўжо і простая задача. Не простая, але і не невыканальная.

Ёсць некалькі лакацый, у якіх скрыжаванне больш спрошчанае, асабліва ў раёне Андрэеўкі, дзякуючы наяўнасці пераходаў і найлепшага кірунку на Адрадаўку. Але пакуль яны прастрэльваюцца ворагам, асабліва з найбліжэйшых пасадак. Развязка – пытанне часу і колькасці касетаў. Потым зачыстка рэштак.

Гучыць на першы погляд складана, але гэта вынік карпатлівай працы з вельмі высокім коштам. І не трэба забывацца пра гэта і прыспешваць падзеі, якія прыспешваць нельга.

Але галоўнае тое, што так ці інакш, а гэты пераход адбудзецца і пачнецца прасоўванне да 0513, якая ўжо цяпер знаходзіцца пад агнявым кантролем САУ. Але калі над 0513 будзе ўсталяваны фізічны кантроль, можна гаварыць не тое, каб пра поспех у паўднёва-заходнім сектары і пачатак прасоўвання ў паўднёва-ўсходнім. Гэта пункт у магчымасцях абароны РАВ у цэлым на поўдзень ад Бахмута і не толькі. Гэта магчымасць і ўзяцця пад агнявы кантроль усходняй лагістыкі.

Што самае цікавае, РАВ у раёне Бахмута могуць апераваць тым рэсурсам, што там ёсць, цягнуць лішні надта няма адкуль. І ўзмацніць поўдзень яны могуць толькі за кошт поўначы, а калі сцягваць падраздзяленні з поўначы, то патэнцыял там памяншаецца, што цалкам можа мець ужо свае наступствы.

Але як апераваць рэсурсам пасля ўстанаўлення агнявога кантролю над усёй лагістыкай?