Пад Смалявічамі адбылося сур'ёзнае ДТЗ

Загінула дзіця.

Электрамабіль Volkswagen занесла, і ён перакуліўся каля вёскі Багуты Смалявіцкага раёна. У выніку здарэння загінула трохгадовая дзяўчынка, ейныя бацькі ў шпіталі, піша «Мінская праўда» са спасылкай на ДАІ.

Здарэнне адбылося раніцай 20 кастрычніка. Электрамабіль Volkswagen ехаў у кірунку вёскі Аколіцы. У ім знаходзіліся сям'я з дзіцем. Пры стырне быў бацька.

Паводле інфармацыі ДАІ, на закругленні дарогі "кіроўца няправільна абраў хуткасць і не ўлічыў метэаралагічныя варункі". Аўтамабіль занесла, ён з'ехаў на штучнае ўзвышша і перакуліўся.

Пацярпелых даставілі ў шпіталь, аднак выратаваць жыццё дзіцяці лекары не здалелі — дзяўчынка памерла.

Паводле няспраўджаных пакуль звестак, яна знаходзілася ў дзіцячым крэсле, аднак не была прышпіленая пасамі бяспекі, паведамляе выданне.