У Шабекіне нанесена сем магутных удараў па найбуйнейшаму ў свеце прадпрыемству ў вытворчасці сапфіраў

Яны выкарыстоўваюцца ў тым ліку для вайсковай электронікі.

У Расеі раніцай 3 кастрычніка паскардзіліся на абстрэлы Белгародскай вобласці. Расейскія прапагандысты заявілі аб сямі прылётах па заводзе «Монакрышталь» у Шабекіне.

Гэта прадпрыемства вырабляе сінтэтычныя сапфіры, якія выкарыстоўваюцца, прынамсі, у вайсковай электроніцы. Аб абстрэлах піша адзін з расейскіх прапагандысцкіх Telegram-каналаў, паведамляе obozrevatel.com.

«Проста цяпер УСУ абстрэльваюць завод «Монакрышталь» у горадзе Шабекіне Белгародскай вобласці. Паводле нашай інфармацыі, з 7.18 раніцы было сем прылётаў. Як мінімум адзін набой не разарваўся», - заявілі прапагандысты.

Яны таксама падкрэслілі, што «Монакрышталь» з'яўляецца «адным з найбуйнейшых сусветных вытворцаў сінтэтычнага сапфіру, які выкарыстоўваецца ў тым ліку ў электроніцы. Напрыклад - у Apple Watch».

Нагадаем, 1 кастрычніка ў РФ заявілі аб збітых дронах, аднак у Шабекіне і Сочы ў гэты дзень гучалі выбухі, а ў Смаленску паведамілі пра падарваны завод

Паводле інфармацыі Галоўнай управы выведкі Міністэрства абароны Украіны ў Смаленску па заводзе, які вырабляе ракеты Х-59 тры з чатырох дронаў трапілі ў цэль. Яны сапраўды пашкодзілі будынкі вайсковага прадпрыемства РФ, прычыніўшы істотныя пашкоджанні яго вытворчым магутнасцям.

А каля Сочы ГУР паспяхова атакавала стаянку верталётаў у Адлеры, у той жа час у Бранску прыляцела на аэрадром.