Зяленскі прыехаў на адзін з самых гарачых кірункаў, дзе ідзе наступленне УСУ

Абмеркаваў з байцамі сітуацыю на полі бою.

Прэзідэнт Украіны Уладзімір Зяленскі 3 кастрычніка зноў прыехаў на перадавую, паведамляе прэс-служба кіраўніка дзяржавы.

Размова ідзе аб Купянска-Ліманскім кірунку, гэта адзін з самых гарачых кірункаў. Там ваююць 103-я асобная брыгада тэрытарыяльнай абароны, 68-я асобная егерская брыгада імя Алексы Доўбуша і 25-я асобная паветрана-дэсантная Січыслаўская брыгада.

«З камбрыгамі і камбатамі абмеркавалі аператыўную сітуацыю на полі бою, актуальныя пытанні, патрэбы. Кожная наша баявая брыгада, кожны ваяр, які знішчае акупантаў, кожным сваім крокам наперад сцвярджае, што ўкраінская перамога абавязкова будзе. Вы - моц! Дзякуй за службу!», - кажа Зяленскі.