Салаўёў зладзіў істэрыку праз «ярлык», які даў яму пошукавік «Яндэкс»

Пра сваю крыўду рупар Крамля расказаў на расТВ.

Пошукавік «Яндэкс» абазваў вядомага пракрамлёўскага журналіста Уладзіміра Салаўёва «прапагандыстам». Такая «несправядлівасць» выклікала ў яго істэрыку, піша «Обозреватель».

Пра сваю крыўду рупар Крамля расказаў у эфіры адной са сваіх перадачаў на расТВ. Ён заявіў, што не любіць сістэму «Яндэкс».

«Набіраю “Дзмітрый Гардон” – “украінскі журналіст”. Набіраю “Уладзімір Салаўёў” – “расейскі прапагандыст”. Пачвары вы кон***ыя!» – крычаў Салаўёў.

А перад тым Салаўёў зладзіў на публіку істэрыку, таму што расейцы, высвятляецца, даволі актыўна пераводзяць грошы ў падтрымку Узброеных сілаў Украіны. Такіх грамадзянаў краіны-агрэсаркі ён абазваў «здраднікамі». Ён адзначыў, спасылаючыся на звесткі «кампетэнтных органаў», што 25 тыс. грамадзянаў РФ дапамагаюць сродкамі ўкраінскаму войску.