«З таго часу яны пачалі ціха ненавідзець Лукашэнку»

Беларуска расказала пра сапраўдных карупцыянераў.

Залезеш у інтэрнэт, пачытаеш навіны - і думкі не даюць спакою. Гэта ж трэба! Той, хто абяцаў перамагчы карупцыю, выгадаваў яе да такіх страшных памераў, піша чытачка Charter97.org.

Гэтымі днямі назіраем за новай выкрытай карупцыйнай схемай. Гэтым разам у малочнай сферы. Арыштаваныя карупцыянеры з холдынгу “Бабушкина крынка”. Яшчэ, здаецца, не паспела астыць навіна пра карупцыянераў з цукровай галіны. Цэлыя абсягі, ды што тут казаць, усю краіну апанавала карупцыя. Тут прыгадваюцца і карупцыйныя справы артапедаў і дрэваапрацоўкі, і медычнага абсталявання. Можна доўга пералічваць выкрытых і пакараных, але сітуацыя кардынальна не мяняецца.

Ведама ж, катаваць і забіваць іх у турмах не будуць, проста папросяць падзяліцца накрадзеным майном. А пасля ціхенька перавядуць на кіроўную пасаду на іншае прадпрыемства, дзе майстры-карупцыянеры будуць наладжваць новыя “схематозы” ды аддана служыць лукашызму, хвалячы дыктатара. На знак падзякі будуць здзекавацца са сваіх падначаленых яшчэ мацней з надзеяй выслужыцца і зноў не патрапіць за краты.

А мне прыгадалася жыццёвая сітуацыя нашых суседзяў. Яны (Пятро ды Валер) працавалі кіроўцамі на камбікормавым заводзе. З гэтага мелі такі-сякі прыбытак. Ссыпалі сабе той камбікорм, трымалі шмат свіней ды яшчэ ўмудраліся мяхамі прадаваць суседзям. А ўзяўшы ў суботу чарку, хвалілі Лукашэнку ды ягоны рэжым: маўляў, хто не лянуецца, то грошы заўсёды заробіць, а ганяць дыктатара гультаі ды недарэкі. Але лёс склаўся так, што нехта з зычліўцаў даказаў на зухаў, і аднаго разу на маіх вачах іх брутальна затрымалі, паклалі на падлогу, рукі счапілі кайданкамі за спінай ды заарыштавалі. Гісторыя гэта мела наступны працяг: ушпілілі ім штрафу ды пакінулі працаваць кіроўцамі, праўда, даручылі развозіць рабочых. Вядома, нейкія кроплі бензіну ім выпадае вымеркаваць, але гэта ўжо зусім іншы ўзровень даходу. З таго часу пачалі яны ціха ненавідзяць яны Лукашэнку і ягоную хеўру, а ўзяўшы чарку ды разняволіўшыся, зычыць дыктатару схадзіць да Абрама на піва.

Змагацца з гэтай з’явай у цяперашняй дзяржаве, на маю думку, пакуль што бессэнсоўна. Карупцыя ды крадзяжы як квітнелі, так і будуць квітнець, пакуль існуе дыктатура. Бо дыктатура гэта і ёсць карупцыя на найвышэйшым узроўні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com