У Нідэрландах збілі піўной бутэлькай фаната Пуціна

Лідэру прарасейскай партыі прычынілі сур'ёзныя траўмы.

У месце Гронінгене на поўначы Нідэрландаў учынілі напад на кіраўніка спісу ультраправай папулісцкай партыі Нідэрландаў "Форум за дэмакратыю" (FVD) Т’еры Бодэ.

Яму прычынілі сур'ёзныя траўмы — выцялі бутэлькай з-пад піва ў кавярні, гаворыцца ў паведамленні NOS.

Напад адбыўся ў той момант, калі Бодэ разам з іншымі кандыдатамі ў дэпутаты ад FVD знаходзіўся ў пабе на перадвыбарнай акцыі.

Прарасейскага палітыка выцялі па патыліцы, а таксама ў скронь каля вока. Бодэ шпіталізавалі ў адну з лякарняў Гронінгена. Рану твару атрымаў таксама ягоны ахоўнік.

Як гаворыцца ў паведамленні NOS, нападніка затрымалі, ягоныя матывы высвятляюцца.

Адзначым, што Бодэ залавіў ужо не першы раз. Амаль месяц таму яго выцялі парасонам па галаве падчас візіту ў Генцкі ўніверсітэт. Бодэ атрымаў лёгкае страсенне мозгу і на некалькі дзён прыпыніў перадвыбарную кампанію.

Чым вядомы Т’еры Бодэ

Лідэр ультраправай FVD з'яўляецца шчырым еўраскептыкам, цяпер з'яўляецца невялікай апазіцыйнай партыяй, якая мае пяць месцаў са 150 у ніжэйшай палаце парламента Нідэрландаў і адно з 75 месцаў у Сэнаце.

Раней Бодэ выступаў са скандальнымі заявамі, якія апраўдваюць вайну РФ супраць Украіны. «Пуцін не жадае гэтай вайны. Украіна не зацікаўлена ў гэтай вайне. Адзіны гулец, які далей намагае вайны, гэта амэрыканскі вайскова-прамысловы комплекс», — заяўляў Бодэ пасля пачатку вайны РФ супраць Украіны.