Вайсковы эксперт: Ёсць перадумовы абрынуць Паўднёвы плацдарм РФ

УСУ могуць прасунуць «стратэгічныя клюшні» і адрэзаць сухаземны калідор у Крым.

Украінскія вайскоўцы захапілі і ўтрымліваюць плацдармы на левабярэжжы Херсоншчыны. У абаронцаў Украіны ёсць шанцы развіць поспех і абрынуць Паўднёвы плацдарм.

Вайсковы эксперт Пётр Чэрнік распавёў "24 Каналу", як гэта можна зрабіць. Ён адзначыў важнасць таго, што УСУ здолелі не развіваць аналітычны складнік вакол усяго таго, што адбываецца.

У далейшым украінскія вайскоўцы могуць пасунуць свае стратэгічныя клюшні ў Малочны ліман і адрэзаць сухаземны калідор у Крым.

«Перадумовы абрынуць Паўднёвы плацдарм ёсць. Калі гэта адбудзецца - не возьмецца прагназаваць самы светлы розум», - канстатаваў Чэрнік.

Магчыма, гэта быў першапачатковы план украінскага камандавання, але яго адклалі ў выніку падрыву Кахоўскай ГЭС расейцамі.

Крым могуць вызваліць першым

«Вы ведаеце маю персанальную канцэпцыю - спачатку адбіць Крым. І гэта значна лягчэй, чым адбіць Данбас», - адзначыў Чэрнік.

З яго слоў, для гэтага трэба шмат авіяцыі і дальнабойных ракет, каб узяць востраў пад агнявы кантроль. Акрамя таго, трэба абрынуць Керчанскі мост, а таксама тапіць і збіваць усё, што будзе рухацца ў Крым.

«Вяртанне паўвострава можа прывесці да палітычнага падзекння рэжыму Пуціна, што можа справакаваць хаос і некіравальнасць вайсковай кампаненты - і акупанты самі пойдуць з «жэстам добрай волі», - адзначыў Пётр Чэрнік.