«ЗША не зважаюць на крамлёўскія «чырвоныя лініі»

Украінскі дыпламат пракаментаваў перадачу амерыканскіх ракет, якія дастаюць да Крыма.

ЗША збіраюцца выдаць Украіне высокадакладныя ракеты далёкасцю 150 км. Да гэтага Вашынгтон пагадзіўся даць Украіне танкі Abrams і БМП Bradley. Чаму Белы дом пайшоў на гэты крок?

На гэтую тэму сайт Charter97.org пагаварыў з экспэртам у пытаннях замежнай палітыкі і палітыкі бяспекі фонду «Майдан замежных спраў», экс-дарадцам пасольства Украіны ў Канадзе і Кеніі Алегам Белаколасам.

- Так званыя «чырвоныя лініі» малююць у асноўным у Маскве. Кожны раз напярэдадні нейкай аб'яўленай пастаўкі яны гавораць аб тым, што гэта будзе нейкая чарговая рыса. Спачатку гэта было з HIMARS, зараз - цяжкія танкі, прычым не толькі ад Злучаных Штатаў. Але гэта толькі разважанні Масквы на гэтую тэму.

Я думаю, у Вашынгтоне не звяртаюць асаблівай увагі на крамлёўскія «чырвоныя лініі», а сістэмна павялічваюць баявую моц украінскага войска.

- Гэтыя ракеты могуць даставаць да Крыма. Ці можна казаць, што ЗША будуць падтрымліваць Украіну ў імкненні вызваліць паўвыспу?

- Рэч у тым, што пазіцыя Злучаных Штатаў у плане тэрытарыяльнай цэласнасці Украіны, уключаючы Крымскую паўвыспу, застаецца нязменнай з 2014-га года. Там сумневаў няма, Крым - гэта тэрыторыя Украіны. Таму адрозненняў ад часова акупаваных абласцей на поўдні ці ўсходзе Украіны, ні ў Кіеве, ні ў Вашынгтоне не бачаць.

Наш прэзідэнт неаднаразова казаў, што мы павінны выйсці на міжнародна прызнаныя межы 1991-га года, якія прызнавалі і Злучаныя Штаты і амаль усясусветная супольнасць, нават тыя, хто цяпер маўчыць наконт Крыма.

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com