29 сакавiка 2024, Пятніца, 14:49
Падтрымайце
сайт
Сім сім,
Хартыя 97!
Рубрыкі

Ground Master 200: Эксперт ацаніў радар, які перададуць Украіне

Ground Master 200: Эксперт ацаніў радар, які перададуць Украіне

Ён здольны адсочваць шырокі спектр цэляў.

Напярэдадні многія радасна каментавалі паведамленні пра чарговую пастаўку Украіне французскіх САУ Caesar, але пры гэтым неяк толькі мімаходзь згадалі пра перадачу радараў GM 200. А вось дарма, піша ўкраінскі ваенны эксперт Аляксандр Каваленка.

Ground Master 200 – шматмэтавы радар СПА сярэдняга радыусу дзеяння сямейства Thales Ground Master, які ўяўляе з сябе тактычны радар, які адначасова адпавядае самым строгім аператыўным патрабаванням:

– надзвычай дакладнае адсочванне ад вельмі малых да вельмі вялікіх вышыняў (24 км), незалежна ад складанасці навакольнага асяроддзя;

– каардынацыя зенітных комплексаў ад вельмі малой да сярэдняй далёкасці, 250 км у рэжыме назірання / 100 км у рэжыме бою;

– папярэджанне пра рэактыўны, артылерыйскі і мінамётны агонь.

– выяўленне надводных цэляў і адсочванне караблёў, малых плыўсродкаў і гэтак далей.

Ground Master 200 здольны адсочваць шырокі спектр цэляў, ад невялікіх і павольных да малапрыкметных і манеўраных, сярод іншага – дроны ад класу I (Mini) да класу IV (HALE).

Поўнае 3D-пакрыццё ад -7° да 70° за адзін абарот (абнаўленне інфармацыі – 1,5 с).

Скажам так, апарат вельмі карысны, асабліва з улікам тых пагрозаў, якія былі, ёсць і яшчэ будуць. Адзін толькі мінус – іх бы больш і як мага больш.

Напісаць каментар

Таксама сачыце за акаўнтамі Charter97.org у сацыяльных сетках