Выпускнікі ў Берасцейскай вобласці масава байкатуюць размеркаванне

Плаціць «кампенсацыю» лукашыстам маладыя спецыялісты таксама адмаўляюцца.

Летась у Берасцейскай вобласці 147 выпускнікоў-бюджэтнікаў не адпрацавалі размеркаванне. Пра гэта паведаміла прапагандысцкае выданне БелТА.

«Выпускнікі-бюджэтнікі, не жадаючы працаваць на прапанаваным месцы, часам не даязджалі да месца размеркавання або, прыступіўшы да працы, «прагульвалі» без уважлівых прычын, за якія іх звальнялі. Як правіла, выпускнікі адмаўляліся кампенсаваць выдаткі самастойна - пракуроры прад'яўлялі ў суд патрабаванні аб спагнанні сродкаў, выдаткаваных на іх навучанне», - заявілі ў пракуратуры Берасцейскай вобласці.

У 2022 годзе было выстаўлена 147 пазоў на суму звыш 756 000 беларускіх рублёў, якія беспярэчна задаволілі ў так званых «судах» Берасцейскай вобласці.