Чэргі на ўезд у Польшчу да выхадных зноў павялічыліся

Што адбываецца ў пунктах пропуску.

Да выходных колькасць легкавых аўтамабіляў на ўезд у Польшчу павялічылася, паведамілі ў афіцыйным Telegram-канале беларускага памежнага камітэта.

Паводле інфармацыі ДПК, чэргі легкавушак фіксуюцца перад польскімі пунктамі пропуску «Баброўнікі» («Бераставіца») і «Тэрэспаль» («Берасце»).

Паводле звестак на 12.00 3 лютага, у пункце пропуску «Тэрэспаль» у чарзе знаходзяцца больш за 170 легкавушак, а ў «Баброўніках» — больш за 90 аўто.

Ёсць чэргі і на беларуска-літоўскай мяжы. У ПП «Беняконі», паводле звестак электроннай чаргі, выезду з Беларусі чакаюць больш за 30 легкавых аўто, а ў пункце «Прывалка» - больш за 10 машын, якія чакаюць магчымасці ўехаць на тэрыторыю Еўрапейскага Звязу.

На мяжы Беларусі і Латвіі чэргі па-ранейшаму не назіраюцца.

Сітуацыя з цяжкавікамі

Як паведамілі ў Дзяржпагранкамітэце, цягам тыдня грузавы транспарт чакаў уезду ў Еўразвяз перад польскім пунктам пропуску «Баброўнікі» («Бераставіца») і літоўскім «Райгардас» («Прывалка»).

Цяпер у гэтых пунктах пропуску ў чарзе налічваецца больш за 130 легкавушак і больш за 30 цяжкавікоў адпаведна.