Зяленскі: Здаваць Бахмут ніхто не будзе

Калі будзе зброя, УСУ не толькі не адыдуць ад Бахмута, але і пачнуць вызваляць Данбас.

Калі міжнародныя партнёры дадуць Украіне ўсю неабходную зброю, сярод іншага дальнабойную, украінскія абаронцы не толькі не адыдуць ад Бахмута, але і пачнуць дэакупаваць Данбас.

Пра гэта паведамляе РБК-Украіна са спасылкай на заяву прэзідэнта Украіны Уладзіміра Зяленскага на прэс-канферэнцыі паводле вынікаў саміту Украіна-ЕЗ.

Прэзідэнт Украіны падкрэсліў, што здаваць Бахмут ніхто не будзе. Украінскія абаронцы будуць ваяваць столькі, колькі змогуць.

– Уважаем Бахмут за нашу крэпасць, уважаем нашых герояў, якія там палеглі, за герояў. Калі будзе паскораная зброя, а менавіта дальнабойная, то мы не толькі не адыдзем ад Бахмута, але і пачнем вызваляць Данбас, які быў акупаваны з 2014 года, – сказаў Зяленскі.

Прэзідэнт дадаў, што ва Украіны ёсць канкрэтны пералік зброі, якая ёй неабходная. Ён таксама падзякаваў дзяржавам, якія падтрымліваюць Украіну на гэтым шляху.