У Беларусі выкрылі даносчыка з Дэпартамента аховы МУС
11- 4.02.2023, 13:28
- 16,722
Ён даносіў пра бел-чырвона-белыя сцягі каля СТА.
Беларускія кібер-партызаны апублікавалі новы «зліў» пра даносчыка ў шэрагах МУС Беларусі.
«Вернемся да тэмы даносчыкаў. Дагэтуль у злівах мы незаслужана абміналі іх увагай. Але час усім пазнаёміцца з тымі, хто тэлефануе ў 102 са скаргамі на «злачынствы» ў выглядзе стужачак, сцягоў ці размоваў на лавачцы.
Сёння пачуеце гісторыю пра данос аб «злачынстве», якое ні ў адной нармальнай краіне не лічыцца парушэннем закона, - фірмовы лагатып «не тых» колераў.
Даносчык - Дзяніс Шукіс, службоўца Дэпартамента аховы МУС - патэлефанаваў у 102 са скаргай на «бчб каля СТА». Разбірацца ў справе бярэцца Удодаў, які на загад Казлова збіраецца распачынаць матэрыял на супрацоўнікаў СТА, бо ў іх назва напісаная на чырвона-белым фоне. Аўдыёзапіс зроблены 2 ліпеня 2021 года», - гаворыцца ў паведамленні.