29 сакавiка 2024, Пятніца, 1:03
Падтрымайце
сайт
Сім сім,
Хартыя 97!
Рубрыкі

Краму з лукашысцкай сімволікай у Магілёве перарабілі пад сэканд-хэнд

16
Краму з лукашысцкай сімволікай у Магілёве перарабілі пад сэканд-хэнд

Чырвона-зялёная прадукцыя аказалася незапатрабаванай.

У Магілёве краму для продажу дзяржаўнай сімволікі перарабілі ў сэканд-хэнд, паведамляюць мясцовыя праваабаронцы.

Спачатку гэта была кнігарня «Раніца» на рагу вуліцы Першамайскай і праспекта Міру. Кнігарня праіснавала паўстагоддзя, але пасля банкруцтва прадпрыемства «Магілёўаблсаюздрук» была перапрафіляваная пад продаж лукашысцкай сімволікі.

У 2021 годзе ўлады пастанавілі, што ў кожным абласным цэнтры павінны быць спецкрамы для продажу дзяржаўных сцягоў, гербаў і іншай афіцыйнай прадукцыі.

Але прадукцыя аказалася незапатрабаванай, і ў кастрычніку 2022-га агітацыйная крама зачынілася. Уся маёмасць былой «Раніцы» была перавезеная ў кнігарню «Світанак» на праспекце Міру каля Магілёўскага дзяржаўнага ўніверсітэта. А на месцы «агітацыйнай крамы» адчыніўся сэканд-хэнд.

Напісаць каментар 16

Таксама сачыце за акаўнтамі Charter97.org у сацыяльных сетках