ПАР заявіла, што арыштуе Пуціна, калі ён прыедзе на саміт БРІКС

Краіна гатовая выконваць свае міжнародныя абавязацельствы.

ПАР юрыдычна абавязаная выканаць ордэр на арышт расейскага дыктатара Уладзіміра Пуціна падчас яго магчымага візіту на саміт БРІКС у жніўні.

Аб гэтым паведаміла выданне Reuters.

Паўднёвая Афрыка ўсведамляе свае юрыдычныя абавязацельствы, заявіў у нядзелю прадстаўнік прэзідэнта Сірыла Рамафоса, гаворачы аб візіце Уладзіміра Пуціна, які плануецца пасля таго, як Міжнародны суд выдаў ордэр на арышт расейскага лідара.

«Мы, як урад, усведамляем нашы юрыдычныя абавязацельствы. Аднак да саміту мы будзем працягваць узаемадзейнічаць з рознымі зацікаўленымі бакамі», - заявіў прэс-сакратар Вінцэнт Магвенья.