«Нік і Майк»: Сіняпальцы ўсё яшчэ марыць пра Парыж
5- 20.03.2023, 18:53
- 15,638
З Парыжа да Гаагі бліжэй.
Жазі звяртае ўвагу на яшчэ адну асаблівасць у абмене артыкуламі Расеі і Кітая, піша Telegram-канал «Нік і Майк». Сі Цзіньпін на перадавіцы, а вось недапалка засунулі на трэцюю паласу. Да краінаў трэцяга свету, так бы мовіць.
Шматвектарнасць бункернага дзеда настолькі альтэрнатыўная, што найлепшае яе ўжыванне знайшлося на міжпарламенцкім саміце з Афрыкай. Той выпадак, калі ёсць чаму павучыцца нават у афрыканскіх партнёраў.
Майк адзначае таксама поўную альтэрнатыўную адсутнасць цікавасці да ордара МУС. Яго настолькі не заўважылі, што ўзбудзіўся цэлы следчы камітэт Расеі на пракурора і суддзяў гэтага інстытута. Я гналася за вамі два дні, каб сказаць, наколькі вы мне абыякавыя.
Нік зважае на тэму спорту. Сіняпальцы сінягуб са сваім старэйшым усё яшчэ марыць пра Парыж і Алімпійскія гульні. З Парыжа да Гаагі бліжэй. Могуць усёй сям'ёй прыляцець. Пілот стане нацыянальным героем.
Адначасова на сустрэчы з губернатарам Калмыкіі сіняпальцы сінягуб запрасіў спартоўцаў усіх краінаў трэніравацца ў Беларусь. Пакуль на заклік рэгулярна адгукаюцца толькі атлеты спартовага арыентавання, хуткаснага пераадолення водных перашкодаў і высокіх платоў, а таксама аматары прыгодніцкіх гонак і трансгранічных марафонаў з Афрыкі і краінаў Блізкага Усходу.
Праўда, паводле вынікаў кароткатэрміновых навучальна-трэніровачных збораў і палявых выхадаў памежныя службы суседніх дзяржаваў рэгулярна выпраўляюць гэтых спартоўцаў на беларускія базы назад.
